Gramexgrunnur Føroya

Gramexgrunnur Føroya er stuðulsgrunnur har møguleiki er at søkja stuðul til tvey ymisk endamál:

Stuðul til ferðing og gisting til alment lýst innanoyggja tónleikatiltøk.
Útgávustuðul

Umsóknir verða sendar: ftf@ftf.fo

1. Ferðastuðul

GRAMEX kann stuðla ferðing innanoyggja eftir hesum treytum:

Endamál

Stuðul til ferðing og gisting til alment lýst tónleikatiltøk.

Eisini kann søkjast um ferðastuðul til framførslu í skúlum, arbeiðsplássum og aðrastaðni, um man er biðin at spæla, og ikki vanliga arbeiðir á konsertstaðnum.

Luttakarar

Navn og heimstað hjá luttakarum sendast til ftf@ftf.fo

Ferðing kann stuðlast við: Í mesta lagi tað, sum SSL kostar. Í mesta lagi 5 tónleikarar og í mesta lagi 1500 kr. fyri hvønn bólk ímillum føroyskan bústað og konsert (ella millum konsertstøðini). Stuðul kann latast til herbúgvandi tónleikarar, útisetar og eisini til bólkar í Føroyum, sum hava luttakarar úr øðrum londum. Mesti ferðastuðulin í alt um árið til ein tónleikari er 5.000 kr.

Innivist

Skjalprógvað útreiðslur, um tiltakið er í hesum oyggjum: Suðuroy, Sandoy, Stóra Dímun, Skúvoy, Mykines, Nólsoy, Hestur, Koltur, Kalsoy, Fugloy, Svínoy og ikki slepst til meginøkið aftan á tónleikatiltakið. Søkt kann verða um stuðul til innivist til í mesta lagi 5 tónleikarar og í mesta lagi 300kr pr tónleikara (= max 1500 kr). Í sambandi við ferð til spælistøðini í Suðuroy, Sandoy og Nólsoy kann ferðaseðil til ein bil endurgjaldast.

Almenna konsertirnar skulu fráboðast KODA.

2. Útgávustuðul

GRAMEX kann lata útgávustuðul til CD/MC/LP (Stuðulin verður ikki goldin út, fyrr enn CD/MC/LP er útkomin)

Umsóknin skal í minsta lagi innihalda:

Umsøkjari:

Navn, Adressa, Teldupostadressa (Treytin er, at umsøkjarin býr í Føroyum)

Útgevari:

Navn, Adressa, Teldupostadressa

Frágreiðing Heiti á CD/MC/LP Eyðkenni á CD/MC/LP

Spælitíð (minuttir)

Útgávudagur

Navn/nøvn á lutakandi tónleikarum